طارق عالم ابڙو

ابڙو طارق عالم: ناميارو ليکڪ، شاعر ۽ مصور، طارق عالم ابڙو 10 اپريل 1958ع تي قنبر علي خان ضلعي قمبر –شهدادڪوٽ ۾ ڄائو. تعليم ايم. اي-سنڌي ادب اٿس. سندس لکيل ڊراما پڻ مختلف سنڌي چئنلن تي نشر ٿيا آهن. پاڻ مختلف اخبارن ۾ ڪالم پڻ لکندو رهي ٿو. کيس مصوري ۽ فوٽو گرافيءَ سان گهڻي دلچسپي آهي. سنڌي ادبي بورڊ ۾ ملازمت دوران هو ٻارن جي ماهوار رسالي ”گل ڦل“ جو ايڊيٽر رهيو آهي ۽ هن وقت ٽماهي ”مهراڻ“ مخزن جو سب ايڊيٽر آهي. سندس شايع ٿيل ڪتابن ۾ ”رات، سانت“ ۽ ”سوچون“ (ڪهاڻيون: 1981ع)، ”رهجي ويل منظر“ (ناول: 1985ع) (ڪيترائي ڇاپا)، ”مورن اوچا ڳاٽ“ (هائيڪا- شاعري: 1990ع)، ”لنڊن تنهنجا ڪيڏا روپ“ (سفرنامو: 1991ع)، ”سڃاڻپ جي ڳولا“ (ڪهاڻيون 1998ع). هن 11 جون 2011ع تي گڙدن ۽ جگر جي بيماريءَ سبب وفات ڪئي. کيس سنڌ يونيورسٽيءَ جي قبرستان ۾ دفن ڪيو ويو.

داخلا ۾ استعمال ٿيل تاريخون

1958.04.10  عيسوي

ابڙو طارق عالم: ناميارو ليکڪ ، شاعر ۽ مصور ، طارق عالم ابڙو 10 اپريل 1958ع تي قنبر علي خان ضلعي قمبر –شهدادڪوٽ ۾ ڄائو .

2011.06.11  عيسوي

طارق عالم ابڙو هن 11 جون 2011ع تي گڙدن ۽ جگر جي بيماريءَ سبب وفات ڪئي . کيس سنڌ يونيورسٽيءَ جي قبرستان ۾ دفن ڪيو ويو .

شخصيتون - ڀاڱي جون ٻِيون داخلائون